Engelsk

Både i privat og offentleg sektor er det etterspurnad etter arbeidstakarar med gode språkkunnskapar, evne til kritisk tenking og til å konstruere og tolke avanserte tekstar. 

Fordjupingsstudiet i engelsk gir høve til konsentrasjon om eitt eller få avgrensa område innanfor engelskfaget. Det blir tilbode undervising innanfor eit utval språklege og litterære emne. 

Studiet kan godskrivast i Bachelor i språk og litteratur ved Høgskulen i Volda.

Studentane skal opparbeide kompetanse i:

• eitt eller to utvalde fagfelt innanfor engelsk språk og/eller litteratur
• viktige teoriar og problemstillingar innanfor fagfeltet
• kritisk tolking og drøfting av språklege/litterære uttrykk kritisk tolking og drøfting av teoretiske tilnærmingar til språk og/eller litteratur
• akademisk, munnleg presentasjon av fagstoff på engelsk
• skriving av sjølvstendige, faglege tekstar på engelsk