Fakta
Informasjon er oppdatert av Høgskulen i Volda
.
Om studiet
Studiet skal bidra til å gi deg analytisk, kritisk, praktisk og juridisk kompetanse for å kunne arbeide med komplekse problemstillingar i møte med barn og unge og deira familiar.
Studentane skal opparbeide kompetanse om barn, unge og familiar i utsette livssituasjonar, medrekna tilhøve i samfunnet som har særleg betydning for velferd og kvardagsliv.
Sentrale emne er:
- Perspektiv på barn, unge og familiar i utsette livssituasjonar
- Barnevernsarbeid med barn, unge og familiar i utsette livssituasjonar
- Innovasjon og fagutvikling i møte med barn, unge og familiar i utsette livssituasjonar
Ved studiestart kan du velje studieprogresjon i form av deltid eller heiltid. Progresjonen kan også justerast undervegs,ved behov.
Studentane skal gjennomføre fire veker (20 dagar) samanhengande praksis. Praksisen er ein del av emnet Innovasjon, fagutvikling og tverrfagleg arbeid. Studenten kan gjennomføre praksis på sin eigen arbeidsplass eller ved ein av praksisstadene Høgskulen i Volda har samarbeidsavtale med.
Dei obligatoriske emna er:
- Perspektiv på barn, unge og familiar i utsette livssituasjonar, 15 STP
- Barnevernsarbeid, 15 STP
- Innovasjon, fagutvikling og tverrprofesjonelt samarbeid, 15 STP
- Forskingsmetode og vitskapsteori, 15 STP
- Juss i barnevernsfagleg arbeid, 15 STP
- Masteroppgåve 30 STP
Arbeidet med masteroppgåva er sentralt i studiet. Å skrive masteroppgåve føreset at studentane kan arbeide sjølvstendig med ei oppgåve over tid. Før arbeidet med masteroppgåva skal studenten og rettleiaren skrive under på ein rettleiingsavtale. Avtalen følgjer studenten. I tilknyting til masteroppgåva kan studentane delta i forskingsgrupper som arbeider med forskingsprosjektet relatert til barnevernfeltet.