Ekstremsport Ski & Elv

Bli med på eit år fullt av adrenalin, meistring og spektakulære naturopplevelsar i Ekstremsportbygda Voss! Her får du alt frå grundig opplæring elvepadling til episke skidagar på pudderføre.

Ekstremsport Ski & Elv er linja for deg som vil bruke årstidene til det beste og vere ute uansett vêr! Vi kombinerer snø og vatn for å leike og lære i. Når pudderalarmen går, er vi i skianlegget. Er det nysnø på fjellet, tek vi på fellene. Frys fossane til is, klatrar vi. Og når regnet kjem, padlar vi – i elva blir du våt uansett. Linja passar for deg som har stått litt på ski før og synest elvepadling ser både skummelt og veldig artig ut.

Dette gjer vi

• Elvepadling i verdsklasse
• Køyre pudder og frikøyring i Myrkdalen og Voss Resort (årskort er inkludert)
• Studietur til Soča Valley i Slovenia – Alpene sitt ekstremsportparadis med smaragdgrøn elv og rå natur
• Gå på toppturar med skifeller for å finne urørt snø
• Klatre i islagte fossar med isøks og stegjern
• Lære om vinterteltliv og overnatting ute
• Padle kajakk og SUP i verdskjende elver når snøen smeltar
• Utfordre deg sjølv i vindtunnel
• Solo/overlevelsesdøgn
• Padletur i UNESCO-verdsarvområdet Nærøyfjorden; Padling, teltliv og fjelltur
• Avslutte halvåret med eit tandemhopp i fallskjerm

Dette lærer du

• Frikøyring og topptur Bli ein råare og tryggare skikøyrar
• Skredlære Få kunnskap som er livsviktig i vinterfjellet
• Elvepadling Meistre straum og bølgjer i kajakk og på SUP
• Klatring Lær teknikkar for isklatring, klatring og rappellering
• Tryggleik og risikovurdering Lær å ta trygge val i bratt terreng
• Førstehjelp Vere førebudd om uhellet skulle vere ute
• Samarbeid Opplev kor viktig det er å stole på og sikre kvarandre
• Matlaging på tur