Fakta
Informasjon oppdatert
12. desember 2025.
Om studiet
Denne fordjupingsmodulen i elektronisk kommunikasjon (EKOM) er eit målretta og praksisnært studium for fagarbeidarar og teknikarar som vil utvikle seg vidare innan elektronisk kommunikasjon. Behovet for kvalifiserte EKOM-fagpersonar aukar raskt, og denne utdanninga gir deg kompetansen som trengst for å bidra i eit samfunn der digitale løysingar er heilt avgjerande.
EKOM er ei drivkraft i digitaliseringa av både industri og samfunn. Med denne modulen får du oppdatert og etterspurd kompetanse – og moglegheita til å styrke karrieren i eit spennande og framtidsretta fagfelt.
Gjennom nettundervisning, praktiske oppgåver og fagleg refleksjon lærer du å planlegge, installere og vedlikehalde moderne EKOM-anlegg. Det blir lagt særleg vekt på gjeldande lover og forskrifter, slik at du kan arbeide i tråd med myndigheitskrav og bransjestandardar.
Dersom du har utdanning frå toårig fagskule innan utdanningsprogram elektro eller tilsvarande, samt minst eitt års relevant praksis, vil fullført fordjupingsmodul gjere deg til kvalifisert person med rett til å søkje ekomautorisasjon. Modulen gir med andre ord den faglege fordjupinga som trengst for å oppfylle myndigheitskrava.