Renholdsoperatørfaget

Renholdsoperatørfaget er en komprimert utdanning for voksne. Opplæringen følger Utdanningsdirektoratets læreplaner, men er spesielt tilpasset voksne. 

Kjerneelementer i renholdsoperatørfaget er:

Reinhaldsplanlegging

Kjerneelementet reinhaldsplanlegging handlar om å bruke ulike planleggingssystem i bygg, anlegg, installasjonar og transportmiddel. Kjerneelementet handlar om å analysere reinhaldsbehov, planleggje kostnadseffektivt reinhald og dokumentere det utførte arbeidet. Vidare handlar reinhaldsplanlegging om å vurdere eigenskapar, tilstandar og bruksområde for overflater og reinhaldsobjekt. Kjerneelementet handlar òg om å sikre dei kritiske suksessfaktorane i reinhaldsleveransen og tilfredsstille krava i ein tenestenivåavtale.

Reinhald

Kjerneelementet reinhald handlar om å halde overflater reine og sikre livssyklusen til overflatene i samsvar med gitte kvalitetskriterium. Kjerneelementet handlar om regelmessig reinhald, periodisk reinhald og spesialreinhald i ulike typar bygg, anlegg, installasjonar og transportmiddel. Å kritisk vurdere det gjennomførte arbeidet og kvalitetssikre reinhaldsleveransen er òg ein del av kjerneelementet.

Helse, miljø og sikkerheit

Kjerneelementet helse, miljø og sikkerheit handlar om å identifisere og forhindre situasjonar som utgjer ein fare for liv og helse i reinhald av bygg, anlegg, installasjonar og transportmiddel. Det inneber òg å risikovurdere arbeidet i samsvar med gjeldande regelverk og gjennomføre sikker jobb-analyse. Vidare handlar kjerneelementet om å bruke utstyr og maskiner i samsvar med gjeldande regelverk og å arbeide i samsvar med gjeldande system og tiltaksplan for helse, miljø og sikkerheit. Kollegialt samarbeid om berekraftige og miljøvennlege løysingar er òg ein del av kjerneelementet.