Treduodjifaget (opplæring i bedrift)

Jo3 muorraduodjefágas lea sáhka das ahte ráhkadit sámi árbevirolaš dujiid. Go barget praktihkalaččat muorain ja eará ávdnasiiguin ja geavahit reaidduid ja mašiinnaid ovdánahttet oahpahallit duddjongálggaid ja ožžot ipmárdusa árbevieruin , teknihkain ja masa ja movt geavahit ávdnasiid. Oahpahallit galget suokkardit, ovdánahttit ideaid, geavahit innovatiiva proseassaid ja ráhkadit ođđa duodjebuktagiid. Fága galgá ráhkkanahttit oahpahalliid dustet servodaga gálvojearu árbevirolaš ja ođđaovdánahttojuvvon buktagiidda. Dat mearkkaša ahte duodjefága galgá sihkkarastit ahte šaddet oahppan duojárat geat máhttet árbevirolaš duoji ja geat gehččet ovddasguvlui ja hutket dujiid main álgoálbmotmáhttu lea vuođđun.