Horn-, bein- og metallduodjifaget (opplæring i bedrift)

Jo3 čoarve-, dákte- ja metálladuodjefágas lea sáhka sámi árbevirolaš atnudujiid duddjomis, divvumis ja ođasteamis. Go praktihkalaččat bargá čorvviiguin, dávttiiguin, metállaiguin ja eará ávdnasiiguin ja go geavaha iešguđet reaidduid ja heivvolaš mašiinnaid, de ovdánahttet oahpahallit duddjongálggaid ja ipmárdusa duoji árbevierus, hámis ja teknihkas. Oahpahallit galget suokkardit, ovdánahttit ideaid ja geavahit innovatiiva proseassaid ráhkadit ođđa atnudujiid. Duodjefága galgá oahpahalliid ráhkkanahttit dustet servodaga gálvojearu árbevirolaš ja ođđaovdánahttojuvvon buktagiidda. Duodjefága galgá sihkkarastit ahte šaddet oahppan duojárat geat máhttet árbevirolaš duoji ja geat gehččet ovddasguvlui ja hutket dujiid main álgoálbmotmáhttu lea vuođđun.