Introduksjon til kvanteverda for nyfikne

Emnet er for alle vaksne. Vi ønskjer å vise kvifor fagfeltet er av allmenn interesse.

Emnet kan vere spesielt interessant for deg som er lærar eller deg som arbeider med informasjonsteknologi.

Du som er lærar kan bli betre i stand til å svare på spørsmål som "Kva er eigentleg kvantefysikk?" og "Korleis fungerer ei kvantedatamaskin?".

Du vil også bli betre i stand til å formidle korleis kvanteteknologi er med på å forme samfunnet, at det ikkje berre er noko for spesielt interesserte.

For deg som arbeider i IT-bransjen vil ikkje dette emnet gjere deg i stand til å bli kompetent kvanteprogrammerar, men du får vite meir om kva det er snakk om, og kva fordelar du kan ha av å bruke kvantefenomen innan informasjons- og kommunikasjonsteknologi, og kva utfordringar det kan gje.

Kva lærer du? Etter å ha gjennomført dette emnet skal du:

• kunne gjere greie for hovudtrekka i den historiske utviklinga av kvantefysikken
• ha ei viss forståing for at materie må oppfattast som både bølgjer og partiklar
• kjenne til fenomen som er spesifikke for kvanteverda, som ikkje har nokon parallellar i den verda vi ser til dagleg
• vite korleis visse enkle algoritmar for kvanteinformasjonsbehandling fungerer
• kunne vise til eksempel på korleis kvantefenomen som tunnellering, kvantisering og samanfiltring kan utnyttast teknologisk
• kjenne til hovudforskjellane mellom korleis ei vanleg, klassisk datamaskin og ei kvantedatamaskin fungerer
• vere i stand til å sette opp og køyre enkle kvanteprogram, anten på simulatorar eller på faktiske kvantedatamaskinar
• til ei viss grad kunne bruke omgrepsapparatet knytt til kvantefysikk og -teknologi
• kunne medverke konstruktivt i faglege samtalar som har med kvanteteknologi å gjere
  evne å diskutere og problematisere aspekt ved tolkinga av kvantefysikken