Fakta
Informasjon er oppdatert av Høgskulen på Vestlandet
24. april 2024.
Om studiet
Strategi er grunnlaget for forretningsdrift. Ved å lære å ta gode strategiske val kan du hjelpe ei bedrift til å skape seg konkurransefortrinn i høve til andre bedrifter i bransjen, til å skape verdi for kundane sine og i siste instans til å skape verdi for eigarane sine.
Kvifor studere Strategi- og virksomhetsutvikling?
Utgangspunkt for strategi er ein analyse av eksterne tilhøve som påverkar bedrifta. Desse tilhøva endrar seg no i eit tempo som er stadig høgare, og både teknologi, produksjonsmetodar og kundebehov endrar seg stadig raskare.
Dette emnet gir deg ei grunnleggande forståing av korleis bransjespesifikke tilhøve og makrotilhøve (eksterne tilhøve) kan identifisere trugsmål og moglegheiter i ulike næringar.
Vidare vil du lære å formidle korleis bedriftsinterne ressursar og kapabilitetar (interne tilhøve) kan avdekke enkeltbedrifter sine sterke og svake sider.
Analyse av desse tilhøva legg grunnlaget for dine strategival, for eksempel i retning av ein kostnadsleiarstrategi eller differensieringsstrategi.
Kva lærer du?
Du får ei grunnleggande forståing av ulike internasjonaliseringsstrategiar, konsernstrategiar, kjenneteikn ved regionale/nasjonale komparative fortrinn, og foretaksetikk.
Fokus er både på strategi i den daglege drifta av ei verksemd og på strategiar for å skape ny verksemd både innanfor og utanfor rammene av eksisterande verksemd.