Fakta
Informasjon er oppdatert av Høgskulen på Vestlandet
.
Om studiet
Ønskjer du å lære meir om samskaping, innovasjon og berekraft, eller prosessleiing og tverrfagleg samarbeid? Treng du konkrete verktøy for å vurdere berekraft i prosjekt eller eiga verksemd? Då kan samskaping og innovasjon for berekraftig utvikling vere noko for deg!
Kvifor studere samskaping og innovasjon for berekraftig utvikling?
Berekraft, innovasjon og samskaping er hyppig brukte omgrep innanfor både næringsliv, offentleg og frivillig sektor. Tverrfagleg og transdisiplinært samarbeid blir ofte trekte fram som nødvendige tilnærmingar for å løyse såkalla «samfunnsflokar», eller komplekse samfunnsutfordringar.
I dette emnet vil du få innføring og innsikt i omgrep og teoriar knytt til berekraft, innovasjon og samskaping. Du vil vidareutvikle dine tverrfaglege kommunikasjonsferdigheiter og øve på «omsetjingsspråk» og formidling. Etter å ha teke emnet, er målet at du skal kunne fasilitere samskapingsprosessar og nytte «design thinking» for å utforske problem eller teste moglege løysingar.
Studiet blir tilbydd på bachelor- og masternivå.
Kva lærer du?
Emnet vil gi deg innføring i konkrete verktøy og metodar innanfor samskaping, «design thinking» og vurdering av berekraft.
Les meir i emneplan om kva du lærer og eksamen:
Emneplan for emnet på bachelornivå
Emneplan for emnet på masternivå
Målgruppe
Dette emnet er interessant for tilsette i næringsliv, kommunar, fylkeskommunar og andre offentlege verksemder. Det er også aktuelt for tilsette i akademia, siste års bachelorstudentar og masterstudentar. I tillegg kan vi anbefale det til personar i frivillige organisasjonar, og alle andre som er interessert i lære meir om samskaping, innovasjon og berekraft.
Opptakskrav
- For emnet SIB801 på bachelornivå:
Generell studiekompetanse eller realkompetanse - For emnet SIB851 på masternivå:
bachelorgrad