Fakta
Informasjon er oppdatert av Høgskulen på Vestlandet
17. november 2023.


Om studiet
Kvifor studere programutvikling?
Studiet vil gi deg eit solid vitskapeleg grunnlag og praktiske kunnskapar innan programutvikling. Du vil få ferdigheiter innanfor moderne systemutviklingsmetodar og teknologi, og kunnskap om korleis desse kan anvendast innanfor ulike domene.
Masterprogrammet eignar seg særleg godt for deg som har dataingeniørutdanning eller ein bachelorgrad innan eit fagområde som informatikk eller informasjonsteknologi.
Studieprogrammet er ein fellesgrad med Universitetet i Bergen (UiB).
Programutvikling bruker idear og teknikkar frå informatikken til å løyse problem og utfordringar vi står overfor i verda i dag. Ein programvareutviklarar tar for seg område som:
- optimal yting i skya
- behandling av vitskaplege bildedata (t.d. frå medisinske eller geologiske instrument) i sanntid
- utviklinga i programmeringsspråka over tid
- optimalisering av digitale ressursar som fleirlagskart for best yting
- visualisering av fleirdimensjonale data for å gjere dei enklare å arbeide med og forstå
- utvikling av sikre databehandlingssystem som òg er etiske
Du vil fullføre studieprogrammet programvareutvikling med brei kunnskap om moderne programutviklingspraksis og om det delområdet du har skrive masteroppgåve. Du kan:
- utvikle, bygge og teste ganske store informasjonssystem
- forstå dei teoretiske, praktiske og etiske problemstillingane innanfor programutvikling og vitskapeleg forsking
- bruke kunnskapen på ulike område (t.d. byggeteknikk eller medisinsk bildebehandling)
- innovere og vidareutvikle programutviklingsfeltet
Studiets oppbygging
Korleis er undervisninga?
Masterprogrammet i programutvikling blir undervist som ein kombinasjon av PC-laboratoriearbeid, seminargrupper og førelesinger. Emna har vanlegvis førelesingar og grupper som basis, om lag seks timar per veke. Sjølv om det berre er obligatorisk å delta i laboratoriearbeid, rår vi deg til å vere med på alle læringsaktivitetane for å få mest mogleg ut av studieprogrammet. Undervisninga i emnet er vanlegvis på engelsk, med mindre alle studentane snakkar godt nok norsk.
I det første semesteret finn du rettleiaren din og møter forskingsgruppa di. Det andre året av emnet vil du bruke til å planlegge, gjennomføre og skrive masteroppgåva di.
Utveksling
Det er lagt til rette for at du kan ta eit utvekslingsopphald i løpet av studietida. Oversikt over institusjonar vi har samarbeid med finn du i lista under.
Opptakskrav
Universitetet i Bergen er ansvarleg for opptak til programmet. Du finn informasjon om opptakskrav på uib.no.
Karrieremuligheter
Kva kan du jobbe med?
Med ein grad i programutvikling er jobbutsiktene nesten grenselause. Alle sektorar treng fleire og fleire personar med programmeringskompetanse, så det er svært mykje opp til degkva du gjer med den nye utdanninga.
Kandidatar frå dette programmet finn jobbar både i Noreg og i utlandet, i privat og offentleg sektor. Dei blir konsulentar, får seg ei stilling ved forskingsinstitutt, arbeider for den norske staten eller utviklar produkt for næringslivet. Nokre kandidatar held fram med doktorgrad, der dei ofte bygger vidare på arbeidet i masteroppgåva.
Arbeidsgivarar ser på programutviklingskandidatar som dedikerte, dyktige og godt førebudde på arbeidet med å løyse interessante utfordringar.
Utveksling
Estland | Tallinn University of Technology (TalTech University) | https://www.hvl.no/student/utveksling/utvekslingsstad/?id=10208
Frankrike | Université Sorbonne Paris Nord | https://www.hvl.no/student/utveksling/utvekslingsstad/?id=781
Italia | University of Turin | https://www.hvl.no/student/utveksling/utvekslingsstad/?id=10529
Polen | University of Warsaw | https://www.hvl.no/student/utveksling/utvekslingsstad/?id=10002
Spania | Autonomous University of Madrid | https://www.hvl.no/student/utveksling/utvekslingsstad/?id=10013
Spania | University of Malaga | https://www.hvl.no/student/utveksling/utvekslingsstad/?id=10513
Spania | Polytechnic University of Valencia (UPV) | https://www.hvl.no/student/utveksling/utvekslingsstad/?id=776
Spania | University of Extremadura (UEX) | https://www.hvl.no/student/utveksling/utvekslingsstad/?id=10056
Sveits | European Organisation for Nuclear Research (CERN) | https://www.hvl.no/student/utveksling/utvekslingsstad/?id=227
Tsjekkia | Czech Technical University in Prague | https://www.hvl.no/student/utveksling/utvekslingsstad/?id=10035
Tyskland | University of Applied Sciences Hannover | https://www.hvl.no/student/utveksling/utvekslingsstad/?id=10533
Tyskland | University of Applied Sciences Mittweida | https://www.hvl.no/student/utveksling/utvekslingsstad/?id=756