Fakta
Informasjon er oppdatert av Høgskulen på Vestlandet
.
Om studiet
I denne vidareutdanninga får du innføring i språkopplæring og fagdidaktikk. Vi gir deg også innføring i eit rikt og variert utval av tekstar både til personleg og fagleg vekst, og til bruk i undervising på mellom- og ungdomstrinnet.
Kvifor studere engelsk?
Ein dyktig engelsklærar kan hjelpe elevane med å utvikle sterke språklege ferdigheiter, inkludert munnleg kommunikasjon, skriveferdigheiter, leseforståing og grammatikk. Med gode engelskkunnskapar kan du som lærar gjere dine elevar betre førebudde på internasjonale moglegheiter, som studiar i utlandet, jobbmoglegheiter i engelskspråklege land og deltaking i internasjonale prosjekt og samarbeid i framtida.
Kva lærer du og korleis er emna bygd opp?
Studiet vil gi deg kunnskap om det engelske språket sin grammatiske og fonologiske struktur og utvikling av eiga språkferdigheit, tekstkompetanse og aktivt ordforråd. I tillegg gir studiet innsikt i ulike læringsaktivitetar og arbeidsmåtar.
Den praktiske erfaringa di vert trekt inn i videreutdanninga, og det er eit mål at studiet skal tilføre skulen du underviser på oppdatert fagleg og didaktisk kompetanse.
Studiet har to emner som bygger på kvarandre. Emne 1 blir undervist i haustsemesteret og emne 2 i vårsemesteret. Her kan du lese meir om emna og eksamen:
- Engelsk 1, emne 1 Engelsk språk, litteratur og kultur med fagdidaktikk 1
- Engelsk 1, emne 2 Engelsk språk, litteratur og kultur med fagdidaktikk 2
Målgruppe
Engelsk 1, 5-10 rettar seg i hovudsak mot deg som er lærar på mellom- og ungdomsskuletrinnet, og som manglar formell kompetanse i engelsk frå før.
Praktisk informasjon
Opptakskrav
Fullført lærarutdanning (grunnskule-/allmennlærar, faglærar, barnehage-/førskulelærar eller praktisk-pedagogisk utdanning). Du må vere tilsett i ei lærarstilling.
Kravet om bestått lærarutdanning kan fråvikast dersom du berre manglar faget du søker på, for å få fullført lærarutdanninga di.
Om du søker dispensasjon frå opptakskravet, må det foreligge stadfesting frå tidlegare studiestad om at studiet du søker opptak til kan inngå i og føre til avslutta lærarutdanning.