Skuespill og scenekunst

Kva lærer du?

Bachelor i skuespill og scenekunst er ei breiddeutdanning med seks emne i teaterproduksjon med ulike fokus. Vidare har studiet undervisning i teaterkunnskap, spel for kamera og voice acting. Siste semesteret vel du eit fagområde du vil fordjupe deg i gjennom kunstbasert forsking, og skapar di eige framsyning.

Alle studentar tek del i ei rekkje bransjedagar, felles grunnlagstrening, arbeidslivsrelevante prosjekt samt ”Husteater”. Prosjekta testar og utviklar studentane sine kreative og handverksmessige evner, i tillegg til samarbeidsevne. Høgskulen har eigne teaterlokale med blackbox og whitebox, kostyme- og scenografilager, eige lydstudio og verkstad. 

Kva jobb kan eg få?

Vi har som mål å gi deg ei arbeidslivsrelevant utdanning og har difor etablert samarbeid med mange lokale, nasjonale og internasjonale institusjonar.

Teater og dramastudiet gir grunnlag for arbeid som:

• Scenekunstnar i det frie kulturlivet
• Teaterpedagog/Kulturskulelærar
• Forteljar
• Museumsformidlar
• Manusforfattar
• Stemmeskodespelar
• Filmskodespelar

MERK! Regjeringa går inn for å forlenge unntaket frå krav om mastergrad for opptak til Praktisk-pedagogisk utdanning (PPU), for søkarar med bachelor i praktiske og estetiske fag, fram til 2030. Du kan då bygge på bachelorgraden med PPU om du ønskjer undervisningskompetanse i skulen.

Følg oss gjerne på Facebook, Instagram eller TikTok!