Fakta
Informasjon er oppdatert av Høgskulen i Volda
.
Om studiet
I dette studiet får du praktisk og teoretisk kunnskap om matkultur og konservering av mat.
I studiet Matkultur skal du tileigne deg praktiske ferdigheiter om tradisjonsmat, og kunnskap om korleis matkulturen har utvikla seg frå førhistorisk tid og fram til i dag.
Formidling av matkulturelle tema gjennom handlingsboren kunnskap og digitale medium står sentralt. Studiet gir også høve til at du kan fordjupe deg i eit sjølvvalt matkulturelt tema som er relevant for den einskilde sin profesjon eller yrke.
Studiet er retta mot eit variert spekter av yrke og arbeidsplassar der mat og matkultur er relevant.
Dette gjeld til dømes grunnskulen, skulefritidsordningar, barnehagen eller andre samfunnsinstitusjonar, både i privat og offentleg sektor.