Digital kompetanse i barnehagen

Dette nettstudiet har fokus på utvikling av ein kreativ og skapande digital praksis og kompetanse i barnehagen. Du skal lære å planlegge, praktisere, dokumentere og evaluere det digitale som del av det pedagogiske arbeidet. I lys av grunnleggande prinsipp for heilskapleg læring i barnehagen, som leik, omsorg og danning, vil du få forskingsbasert og praksisnær kompetanseutvikling, med eigen arbeidsplass som ein del av læringsarenaen. Studiet gir gode høve til å utvikle eigne praktiske ferdigheiter, men også utvikle evna til å vurdere når og korleis digitale verktøy skal nyttast. I dette ligg individuell utvikling men også utprøving og erfaringsdeling og evaluering i eige kollegium. Det er ikkje obligatorisk oppmøte, men obligatoriske arbeidskrav. Vi nyttar læringsplattform (Canvas) og andre kommunikasjonsverktøy for å støtte studentaktive læringsformer og legge til rette for praktisk utprøving på eigen arbeidsplass. Utdanninga er eit tilbod under satsinga Kompetanse for framtidas barnehage Utdanningsdirektoratet (UDIR).