Nøkkelinformasjon
Om studiet
Lær å lage film i mange ulike sjangrar! Du lærer manus, regi, kamerateknikk, lys, lyd og klipp – alt du treng for å lage god film eller TV. Me pakkar sekken og drar til Hollywood – Filmhovudstaden!
På Film og TV - Hollywoodlærer du kva som skal til for å fortelje di historie. Vi fordjupar oss i regi, manus, kamerateknikk, lyd, lys og klipp; og produserar og sett opp eigne Live-sendingar. Me reiser til Oslo for å møta aktørar i norsk film/tv, og opplevabransjen frå innsida, og me reiser på studietur til verdens filmhovudstad, Hollywood.
Hos oss står den gode forteljinga og samarbeid i fokus, og du vil få lære korleis ein nyttar ulike filmatiske verkemiddel for å lage den best moglege filmen.
- Action, skrekk, drama, komedie, reklame, musikkvideo eller studioproduksjonar – dette er linja for deg!
I tillegg til filmproduksjon skal me også utvikle eigne direktesendingar, frå idé til ferdig konsept. Her må heile klassen samarbeide for at resultatet skal bli best mogleg.
Spenninga når den raude lampa lyser og direktesendinga er på, er heilt unik.
Uavhengig av om du har mykje erfaring eller aldri har tatt i eit kamera før, kan me garantere at du vil få eit lærerikt og spanande år her på Stord folkehøgskule.
Som elev på linja har du fri tilgang til alt av utstyr,både i undervisningstid og utanom. Her kan du sleppe laus kreativiteten din, og berre fantasien set grenser for kva du kan lage. Vårt studio er din sandkasse.
Velkomen til eit lærerikt, sosialt og veldig kjekt år her på Stord.