Bu og fritid

Opplev eit år med kjekke aktivitetar og fellesskap! Bli med på turar, lag mat og få ein sosial kvardag i trygge omgjevnader. Her kan du drive med kunst, bruke svømmehallen, ri hest og mykje meir!

Dette er linja for deg som treng noko tilrettelegging i kvardagen, men som har eit mål om å stå på eigne bein i framtida. Her blir du bli kjent med andre som også vil:

• Få vener for livet
• Bli meir sjølvstendig
• Oppleve fantastisk natur i trygge rammer

Du får delta i daglegdagse aktivitetar som turar i skog og mark, matlaging, fysisk trening, reingjering og personleg hygiene. Det viktigaste er at du skal lære deg å ta vare på deg sjølv og ha det kjekt! I tillegg får du velje eit linjefag som du skal vil ha hovudfokus på – velg mellom:

🐎 Allsidig hestesport
🤹‍♀️ Sirkus (Movement X Modern Circus) 
⛺ Vikingliv
🎶 Musikal West End
🌄 Friluftsliv
👨‍🎨 Kunst - Foto - Glas - Reise
🧵 Kreativ saum og strikk

Ikkje nok med det. Du har også fleire valfag du kan prøve. Kanskje vil du lære deg å surfe, finne roen med yoga eller lage kaffi som ein barista? Valet er opp til deg, men gjer det du har lyst til. 

Med oss får alle vere med

Du blir sjølvsagt med på fellesfag og valfag saman med dei andreelevane på skulen, slik at du får oppleve fellesskapet på tvers av linjene. Samtidig skal du få eit tilbod som er tilpassa ditt nivå. Det betyr at vi stille realistiske krav til deg og at du må yte utifrå dei forutsetningane du har.

Vi har tett dialog, både før, under og etter opptak, for å sikre at skuleåret passar til dine behov og føresetnader. Ta kontakt med oss så vi saman kan finne dei beste løysingane for deg! Vi har plass til 6-8 elevar. Du treng sjølvsagt ikkje kunne noko om linjefaga frå før.