Fakta
Informasjon oppdatert
7. januar 2026.
Om studiet
Kurset Regenerativ samfunnsutvikling (tidl. Handlingskompetanse/Endringskunnskap/Samfunn og utviklingsarbeid) er første år i BA nyskaping og regenerativ utvikling og handlar m.a. om:
- regenerativ utvikling som omgrep
- naturen sine rammer for menneskeleg aktivitet
- Earth Jurisprudence
- lokalsamfunnsutvikling (nasjonalt og internasjonalt)
- det å skapa og endra
- akademisk tenking/metode
- prosjektleiing og -utvikling
- maktstyrking (empowerment)
Teori og praksis
Det er eit tverrfagleg studium der vi nærmar oss utviklingsfeltet gjennom teori frå pedagogikk, geografi, sosialantropologi, økologi, sosiologi og filosofi. Kurset gjev ei grunnleggjande forståing av både naturen og lokalsamfunnet som rammer og utgangspunkt for handling/endring.
Kurset gjev ei brei innføring i akademisk tenking/metode og det å ta i bruk forskingsbasert kunnskap i lokal utvikling. Det vil bli nytta mange døme, både nasjonale og internasjonale.
Arbeidsmåtar
I tillegg til førelesing og litteraturstudiar legg ein vekt på studentaktivitet som øvingar, oppgåver, gruppeoppgåver og felt-/prosjektarbeid.
Emneinndeling
Modul I, 30 stp.
Generell introduksjon til akademisk tenking og samfunnsvitskaplege metodar.
Endringsprosessar (bakgrunn for krisene i vår tid)
Lokalt utviklingsarbeid med naturen som partnar (lokalt og globalt perspektiv, fortid og samtid).
Modul II, 30 stp.
Regenerativ samfunnsutvikling som teori og praksis: naturinnsikt, Earth jurisprudence, ressursgrunnlag/ressursforvalting, etiske perspektiv.
Planlegging og gjennomføring av eit prosjektarbeid.