Nøkkelinformasjon
Om studiet
Det er plass til mykje mellom himmel og jord. Eit folkehøgskuleår med friluftsliv og idrett for eksempel. Og leiartrening og undervisning i kristen tru. Og alt saman i majestetisk Vestlandsnatur.
EIT ÅR MED OPEN HIMMEL
Det er plass til mykje mellom himmel og jord! Eit helt folkehøgskuleår, for eksempel. Fylt av akrobatikk, beach-volley, terrengsykling, surfing, kiting, elvekajakk, klatring, fjellturar, skikøyring, teltliv, sprakande bål og stille morgonar.
Det er idrettshall og klatrevegg, fjord og fjell. Og ikkje minst gode vener.
KRIK står for Kristen Idrettskontakt, ein kristen organisasjon som har fokus på idrett, friluftsliv, ungdom og tru. På KRIK-linja vår her på skulen konsentrerer vi oss nettopp om dette. Som KRIK-elev får du eit år der du vil vekse på mange måtar, og du får leiartrening og undervisning om kristen tru.
Dette er året for friluftsliv, idrett, Gud og menneske.