Vg2 Blomsterdekoratør

Vg2 blomsterdekoratør handlar om å lage handverksprodukt med botaniske materiale og allsidige design og uttrykk. Det handlar om å utvikle materialkjennskap og handlag, og om grunnleggjande forståing av kundekommunikasjon, estetikk, kvalitet og ressursutnytting. Ved å leggje til rette for refleksjon over fagtradisjonar og korleis trendar har endra seg over tid, bidreg programfaga til å utvikle kompetanse til å planleggje og produsere produkt og tenester i tråd med endringar i trendar og i samfunnet. Vidare handlar programfaga om å utvikle løysingsorienterte fagarbeidarar som gjennomfører oppgåver i møte med arbeidslivet og forventningane til kundane.