Jus, årsstudium

Studiet gir deg ei innføring i juridiske metode og grunnleggande reglar innan offentleg- og privatrett.

Du lærer:

• om juridisk metode, som er den framgangsmåten juristar brukar for å løyse rettsspørsmål. Dette er også ein generell metode for sakleg og strukturert argumentasjon, som kan vere nyttig innanfor andre område enn jus. 
• om innhaldet i rettsreglar på område som kontraktsrett, forvaltningsrett og familierett
• korleis rettssystemet er bygd opp
• korleis tolke rettsreglar og nytte dei til å løyse rettslege problemstillingar

Vi har forelesingar, seminar, gruppearbeid, øvingsoppgåver, munnlege presentasjonar og skriftleg arbeid.

Juridisk arbeid handlar om å bruke språket raskt, med høg presisjon og god forståing. For å oppnå gode resultat i studiet er det derfor ein føresetnad at du har gode munnlege og skriftlege norskkunnskapar.

15. april

Kunnskapar

Kandidaten

• har kjennskap til forskings- og utviklingsarbeid innan fagområdet
• har innsikt i korleis rettssystemet er bygd opp og kva verdiar det kviler på
• forstår forskjellen mellom utøving av offentleg mynde og privat autonomi
• har grunnleggjande kjennskap til juridisk metode
• har forståing for korleis rettssystemet sikrar eit føreseieleg og trygt samfunn gjennom organisering av offentleg verksemd, konfliktløysing, kontroll av åtferd og rettstryggleik
• har gode kunnskapar innan utvalde rettsområde som arv- og familierett, kontraktsrett og forvaltningsrett.

Ferdigheiter

Kandidaten

• har grunnleggjande ferdigheiter i å tolke og å bruke lovreglar på konkrete problemstillingar
• kan framstille innhaldet i rettsreglar for andre
• kan identifisere problemstillingar som krev juridisk utgreiing
• kan analysere eit juridisk problem munnleg og skriftleg.

Generell kompetanse

Kandidaten

• har eit godt grunnlag for vidare studium som kan gje bachelor- eller mastergrad i jus eller i andre fag
• har grunnleggjande ferdigheiter i analyse- og argumentasjonsteknikk
• har forståing for korleis rettsreglar verkar inn på offentleg og privat verksemd
• har forståing for korleis rettssystemet er med på å sikre føreseielege vilkår for økonomisk samhandling og utøving av offentlege mynde.

Etter fullført årsstudium kan du søke opptak direkte til 2. år på bachelor i økonomi og jus ved HVL.

Etter søknad kan du få godkjent årsstudiet som tilsvarande første året i bachelor i jus ved Høgskolen i Innlandet.