Praktisk-pedagogisk utdanning, allmennfag

I PPU får du undervisning i pedagogikk og fagdidaktikk som er relevant for lærarrolla, og ein får prøve seg i denne rolla i praksisperiodane. Undervisninga er samlingsbasert med 6 fysiske samlingar per studieår, kvar med omfang på 2-3 dagar (onsdag - fredag). Samlingane vil bli lagt til Volda, Ålesund og Molde. I tillegg vert det digitale samlingar på ettermiddagstid. Det er også 6 veker obligatorisk praksis i skule kvart studieår. I løpet av desse vekene får ein verkeleg kjenne på den spanande og engasjerande lærarkvardagen! Første studieår består av Pedagogikk 1, Didaktikk 1 og praksis 1. Emna vert avslutta med ein felles tre dagars heimeeksamen. Praksis vert vurdert stått/ ikkje stått. Andre studieår består av Pedagogikk 2 med ei semesteroppgåve og med munnleg eksamen. Didaktikk 2 er det mappeeksamen, tilpassa ulike fag sine eigenartar. Praksis 2 vert vurdert stått/ ikkje stått. Arbeidsformene i studiet er ein kombinasjon av forelesingar, gruppearbeid, presentasjon av studentane sitt arbeid i plenum, sjølvstudium og dialog i plenum. I opptaksbrevet vil det gå fram om ein vert vurdert som eitt-fagleg eller to-fagleg, basert på kva utdanningsbakgrunnen din er. Det er dette som avgjer kva fagdidaktikk du skal ha og kva arbeidskrav som høyrer til desse. Du skal også i utgangspunktet ha praksis i dei faga du har undervisningskompetanse i. Alle emna har krav om 80% oppmøte på undervisningsaktivitetar. Praksisperioda: I løpet av januar - mars første studieår og august - desember andre studieår skal du ha 6 velers praksis i både ungdomskule og videregåande skule. Andre opplæringsarenaer som til dømes kulturskule, folkehøgskule eller voksenopplæring kan også vere aktuelt etter ei individuell vurdering. Kvar student får ein eller fleire praksislærarar som er med i alle timane og dermed skal sikre at praksis vert både veileda og vurdert. Studentar får sjølve vere med på å påverke, og kan hjelpe til med å finne praksisstad, men praksisstad og praksisopplegg skal godkjennast, og avtale skal inngåast direkte mellom praksiskontoret ved HVO og praksisstad. For studentar med tilsetjingsforhold i skulen kan inntil 50% av praksis gjennomførast på eigen arbeidsplass. I praksisperioden er det krav om 100 % oppmøte. Etter avtale med praksiskontoret er det mogeleg å ha praksis på 2-3 dagar i veka og strekke praksisperioda over 12 veker i staden for 5 dager per veke i 6 veker. Du må organsiere (arbeid og livssituasjon) slik at du har høve til å gjennomføre praksisperioda i det aktuelle tidsrommet.

Søknadstype: Lokalt opptak 2023. Søknadskode: 4301 (Volda) 4401 (Kristiansund)

Fullført mastergrad som inneheld minst ett relevant fag som gir kompetanse til å undervise, eller Bachelorgrad med inntil tre fag som gir kompetanse til å undervise i praktiske og/eller estetiske fag i grunnskule. Det må inngå fordjuping på minst 120 studiepoeng i eit fag. Øvrige fag må ha eit omfang på minst 30 studiepoeng. Det stilles krav om gjennomsnittskarakter C (3,0) eller betre frå bachelorgraden. For HVO sine bachelorprogram vil dette gjelde bachelorgrad i Design, kunst og handverk, Idrett og kroppsøving og Musikk. Merk at dette punktet gjeld for opptaket til og med hausten 2024. Frå opptaket hausten 2025 vil masterkravet også gjelde i desse faga. Meir om PPU her på Spørsmål og svar.

Delar av praksis kan etter avtale gjennomførast i utlandet. Høgskulen i Volda har eit stort internasjonalt nettverk og PPU har eit samarbeid med skular i Frankrike og Austerrike.