Operasjonssjukepleiar
Ein operasjonssjukepleiar har spesiell kompetanse i kirurgi, hygiene og omsorg. Operasjonssjukepleiaren er alltid til stades når pasientar blir operert.
Arbeidsoppgaver
Ein operasjonssjukepleiar er ein autorisert sjukepleiar med vidareutdanning eller mastergrad i operasjonssjukepleie. Da har du spesialisert sjukepleiarkompetanse innan kirurgi, hygiene og omsorg.
Operasjonssjukepleiaren har ansvar for å legge til rette for trygg gjennomføring og assistanse ved kirurgiske inngrep og undersøkingar. Operasjonssjukepleiaren er ein del av det kirurgiske teamet, og hjelper og samhandlar med kirurgar og anna helsepersonell.
Vanlege arbeidsoppgåver for operasjonssjukepleiaren:
- ansvar for hygiene, førebygging av infeksjonar og liknande
- klargjere kirurgiske instrument og anna utstyr
- ha ansvaret for korleis pasienten blir lagt på operasjonsbordet
- kommunisere med pasientar
Operasjonssjukepleiaren identifiserer, planlegg, utøver og dokumenterer arbeidet ut ifrå eit heilskapleg menneskesyn og har fokus på pasientens beste. Pasientens individuelle behov ved planlagde eller akutte kirurgiske inngrep, behandling eller undersøkingar er operasjonssjukepleiaren sitt ansvar. Ei viktig oppgåve er å vareta pasientane sin rett til medverking.
Operasjonssjukepleiaren er ein av fleire typar spesialsjukepleiarar som jobbar i helsesektoren.
Kor jobbar operasjonssjukepleiarar?
Operasjonssjukepleiarar jobbar på mange ulike arenaer. Som operasjonssjukepleiar arbeider du oftast innanfor spesialisthelsetenesta, det vil seie i operasjonsavdelingar, på kirurgiske og gynekologiske avdelingar, på dagkirurgiske avdelingar og poliklinikkar, på akuttmottak og skadestover, i sterilsentralar og i hygieneavdelingar.
Du kan også arbeide i katastrofe- og hjelpestyrkar, offshore, med internasjonalt hjelpearbeid, på legevakta eller i private klinikkar og legesenter. Nokre sjukepleiarar underviser på universitet, høgskolar eller vidaregåande skolar.
Intervjuer
Operasjonssykepleier
Heidi Sørum
Viktige eigenskapar
Som operasjonssjukepleiar må du ha evne til å kommunisere godt med pasientane både verbalt og nonverbalt. Sidan du jobbar tett saman med anna helsepersonell, er gode samarbeidseigenskapar viktig. Du bør kunne formidle ein bodskap på ein klar, korrekt og effektiv måte.
I krisesituasjonar må operasjonssjukepleiaren ha evne til å behalde roa og handle raskt og korrekt.
Lønn
Utdanning
For å bli operasjonssjukepleiar må du først fullføre sjukepleiarutdanninga, jobbe to år som sjukepleiar og så spesialisere deg. Du kan spesialisere deg som operasjonssjukepleiar på to måtar. Du kan ta ei vidareutdanning i operasjonssjukepleie (90 studiepoeng) over tre semester, eller ei mastergrad i operasjonssjukepleie på deltid eller fulltid (120 studiepoeng).
Dei vanlegaste jobbane blant sjukepleiarar med vidareutdanning i operasjonssjukepleie
- 661115 - Videreutdanning i sykepleie, operasjon
- 661103 - Videreutdanning i sykepleie, anestesi-, intensiv- og operasjonssykepleie
Bedrifter som ansetter operasjonssjukepleiarar
Her finn du ei oversikt over bedrifter som har stillingar i dette yrket eller liknande yrke. Dette kan vere nyttig for den som leitar etter arbeidsplass, læreplass eller hospiteringsplassar. Oversikta kan også vere nyttig for skular som vil finne bedrifter dei kan samarbeide med.
Bedrifter med operasjonssjukepleiarar
Vigo
Informasjon om løpande lærekontraktar og godkjende lærebedrifter blir fylkesvis henta frå Vigo. Alle fylka i landet har inngått ein driftsavtale med Vigo og Utdanning.no for å få denne informasjonen presentert nettsidene våre.
Vi hentar nye data frå Vigo og oppdaterer informasjonen om lærlingar og lærebedrifter kvar natt.
NAV
Arbeidslivsinformasjon får vi frå Navs Arbeidsgivar- og arbeidstakarregister (Aa-registeret).
Arbeidsgivarar pliktar å registrere sine tilsette i Aa-registeret, mellom anna med rett stillingstittel. Det er 9000 ulike stillingstitlar (STYRK-kodar) å velje mellom. Nokre yrke har mange detaljerte og dels overlappande underkategoriar, eksempelvis røyrleggjarar, og andre yrke manglar ein eigen kategori, eksempelvis hematologer. Dette betyr at det alltid vil finnast nokre unøyaktigheiter og feilregistreringar.
Me har knytt flest mogleg av Nav sine 9000 stillingstitlar opp mot 600 yrkesskildringar på Utdanning.no . Dette er ein manuell prosess og feil kan finnast. Vi jobbar kontinuerleg med å kvalitetssikre desse koplingane og tek gjerne imot innspel.
Nokre stillingstitlar frå Aa-registeret er kopla til meir enn éi yrkesskildring. Stillingstittelen "Spesialarbeider (Snekker)" er til dømes knytt opp mot yrka "Møbelsnikkar", "Trevaresnikkar" og "Industrisnikkar". Om ein legg saman stillingstal for desse enkeltyrka vil det samla stillingstalet bli for høgt.
Vi innhentar nye data frå Aa-registeret og oppdaterer arbeidslivsinformasjonen slik at vi har nye data på morgonen den 13. i kvar månad.
Andre yrke
Aktivitør
Allmennlege
Ambulansearbeidar
Anestesisjukepleiar
Apotekteknikar
Audiograf
Barnesjukepleiar
Bioingeniør
Biokjemikar
Bioteknolog
Ergoterapeut
