Grunnleggande ferdigheiter, talrekning, prealgebra, algebra og fagdidaktisk bruk av digitale hjelpemiddel står sentralt. Matematisk språk, kommunikasjon og argumentasjon, samt modellering og problemløysing er gjennomgåande tema. Studiet blir nært knytt til praksis.

Matematikk 1 består av to emne, kvart på 15 studiepoeng. Emne 1: Lærarrolla og undervisningsmetodar i matematikkfaget. Emne 2: Eleven sitt kunnskapsgrunnlag og tilpassa opplæring i matematikkfaget. Emne 1 blir undervist i haustsemesteret, og emne 2 blir undervist i vårsemesteret. Begge emna blir avslutta med ein eksamen.

Matematikk 1 er nett- og samlingsbasert med samlingar over to dagar, tre gongar per semester. Samlingsstad: Høgskulen på Vestlandet.

Læringsplattforma Canvas blir brukt til å legge ut leksjonar og arbeidsoppgåver mellom samlingane. Det er forventa at deltakarane er aktive på læringsplattforma.

Vurderingsformer

Deltakarane skal levere inn eit bestemt tal forprøver per semester.
Emne 1 avsluttast med ein munnleg eksamen i desember 2018.
Emne 2 avsluttast med ein munnleg eksamen i mai /juni 2019.